İnsan Resursları Siyasəti
“ƏN DƏYƏRLİ RESURS İNSANDIR”- fikrini rəhbər tutaraq müasir insan resursları standartlarına maksimum cavab verən, “işəgötürən markası” dedikdə ilk ağla gələn şirkət olmağı hədəfləyən, kökündə şirkətin kimlik,məqsəd və dəyərləri dayanan, yüsək peşəkarlıq və şəxsi keyfiyyətləri özündə cəmləşdirən insan kapitalını cəlb etmək potensialına malik, onun inkişafına, motivasiyasına tam dəstək göstərərək komanda ruhlu korporativ iş mühiti formalaşdıran, işçi və işəgötürən münasibətlərinin ən uyğun və şəffaf şəkildə nizamlanmasını təmin edən işəgötürən olmağa yönəlmişdir.
ƏN DƏYƏRLİ RESURS İNSANDIR - şüarını əsas götürərək hər bir əməkdaşına dəyərli olduğunu hissetdirmək və ona qarşı subyektiv yanaşma sərgiləmək Şirkətimizin İnsan resursları siyasətinin əsasında dayanır
PEŞƏKARLIQ
Azərbaycanda və beynəlxalq səviyyədə bir çox sektorda böyük nailiyyətlərə imza atan Santex Servis MMC-nin uğurlarının sirrlərindən biri də istənilən sahədə Birliyin dəyərlərini mənimsəyən yüksək peşəkarlığa malik kadrların nüfuzlu işəgötürən markası formalaşdırmaqla Şirkətə cəlb edilməsi və münbit iş şəraiti ilə təmin edilməsidir.
KARYERA
Santex Servis MMC-nin yüksək səviyəli işəgötürən imicinin arxasında öz əməkdaşlarının inkişafına göstərdiyi diqqət, qayğı, yaratdığı şərait dayanır. İşçi heyətinin peşəkarlığının artırılması, bu istiqamətdə onların müxtəlif təlim,seminar və kurslara cəlb edilməsi, heyətin karyera inkişafı üçün imkanların yaradılması və təkmilləşdirilməsi Şirkətin İnsan resursları siyasətinin daim diqqət mərkəzindədir.
GƏNCLƏR SİYASƏTİ
Ümumilli lider Heydər Əliyevin daim diqqət mərkəzində saxladığı gənclər siyasətinin davamçılarından olan Santex Servis MMC-nin İnsan resursları siyasətində də əsas istiqamətlərindən biri gənc, dinamik, yeniliklərə meyilli kadrların Şirkətin fəaliyyətinə cəlb edilməsi, onların himayə edilməsi, onlara Şirkətin peşəkar heyəti ilə birlikdə çalışaraq təcrübə qazanmaq imkanının verilməsi, gələcəkdə bu peşəkar heyətin üzvlərindən biri olmaq şansının yaradılmasıdır.
MOTİVASİYA
Aktiv, şəffaf, fərqliliyə və yaradıcılığa dəyər verən bir mədəniyyətin yaradılmasını və yayılmasını təmin etmək, əməkdaşlarının təklif və gözləntilərini nəzərə almaq,bağlılığı gücləndirici yanaşmaları davamlı inkişaf etdirmək,təhlükəsiz, sağlam, etik dəyərlərin yaşadıldığı, iş və xüsusi həyat arasındakı tarazlığı nəzərə alan bir iş mühiti təmin etmək Santex Servis MMC-nin İnsan Resursları sistemində daim diqqət mərkəzində saxladığı amillədir.
